Heimurin bíðar eftir Joe & The Shitboys

2019 var eitt hendingaríkt ár hjá Joe & The Shitboys.

Árið byrjaði við kanska tí sterkastu framførsluni á Faroese Music Awards í Norðurlandahúsinum.

Í heyst tók føroyski punkbólkurin íslendingar á bóli, og nú gongur leiðin væntandi til Onglands.

Herfyri setti viðurkenda bretska tíðarritið NME Joe & The Shitboys á ein lista yvir teir 100 nýggju bólkarnar, ið væntandi fara at gera um seg í 2020 og komandi árini.

Finnur Koba hevur boðið við tveir av limunum í bólkinum - sangaran Fríða Djurhuus og gittarleikaran Sigmund Zachariassen til eitt prát. Eitt prát um gjøgnumbrotið í fjør, um ætlanirnar í ár - og um veganskan mat.