Borgarstjórin vil hava borgarafund um brennistøð

Býráðssamgongan í Tórshavnar kommunu fer ikki at leggja uppskot fram um eina felags brennistøð fyri alt landið á býráðsfundinum 30. januar, sum ætlanin annars var.

Tað ásannar Annika Olsen, borgarstjóri.

Hon sigur, at tað er neyðugt at fáa greiði á øllum ivamálum, áðrenn uppskotið verður lagt fram.

Og tí ætlar borgarstjórin at skipa fyri einum almennum borgarafundi um málið í Norðurlandahúsinum í februar.

Meira verður at frætta í útvarpstíðindunum klokkan 18.