Vil hava borgarafund um brennistøðina

Býráðssamgongan í Tórshavnar kommunu fer ikki at leggja uppskot fram um eina felags brennistøð fyri alt landið á býráðsfundinum 30. januar, sum ætlanin annars var.

Tað ásannar Annika Olsen, borgarstjóri.

Hon ætlar at hava borgarafund um brennistøðina í februar, og uppskotið um at byggja brennistøð saman við IRF verður ikki lagt fyri býráðið fyrr enn seinast í februar.