Varðhaldið í Mjørkadali er ikki nøktandi

Umstøðurnar í Mjørkadali til varðhaldsfangar og fangar sum avsona fongulsrevsing eru ikki góðar.

Ung sita saman við eldri og útgangsstøðið fyri virkseminum í Mjørkadali er varðhald og ikki avsoning. Hetta ávirkar umstøðurnar, sum kunnu bjóðast til tey, sum avsona fongulsrevsing.

Avbyrgda staðsetingin í Mjørkadali er harumframt ein avbjóðing, fyri bæði starvsfólk og tey sum sita inni.

Løgmaður sigur tó, at gongd er sett á málið við danskar myndugleikar, men hann dugir ikki at siga nær nakað úrslit fer at fyrliggja.