Koks lokkaði festara við einari millión

Ætlanin hjá Koks at byggja matstovu við Fossdalsgjógv er alt ov stór og víðfevnd, og hon ger seg inn á óspiltu náttúruna í økinum.

Tað sigur festarin, Páll Djóni á Steinum, sum fekk boðið eina millión krónur í lumman afturfyri at lata økið til Koks at brúka.

- Eg má seta mítt álit á Tórshavnar kommunu, soleiðis at henda ætlan ongantíð verður veruleiki, sigur Páll Djóni á Steinum.