Útgerðarmaður: Skattalóg má vera einføld

Skatturin av vinningi, sum fæst burtur úr at selja veiðiloyvi, má vera so einfaldur sum til ber.

Annars er vandi fyri drúgvum trætum, rættarmálum og enntá spekulasjón.

Tað sigur Kristian Martin Petersen, útgerðarmaður á línuskipinum Sandshavinum, nú landsstýrið stríðist við at orða lógaruppskotið, sum skal skatta víðarisølu av veiðirættindum.

John Rajani, búskaparfrøðingur og fíggjarligur ráðgevi, ivast í, um tað yvirhøvur ber til at gera eina einfalda skattaskipan fyri sølu av veiðirættindum.