Bilasølur fáa ikki skrásett bilar

Akstovan hevur í dag stongt avgreiðsluna til tess at byrgja fyri coronasmittu. Tað kemur dátt við hjá bilasølunum, sum ikki fáa skrásett nýggju bilarnar.

- Tað átti at borið til at avgreiða nýggjar skrásetingar - uttan at seta starvsfólk í smittuvanda, heldur Rúni Djurhuus, stjóri í P/f Wenzel.

Vit ætlaðu at spyrja Akstovuna um avgerðina at steinga virksemið, men avgreiðslan stongdi klokkan tvey í dag.

Tað hevur heldur ikki eydnast okkum at fáa fatur á stjóranum á Akstovuni.