Elisa sniðgevur maskur

Korona er ein smeitur fyri flest allar vinnuligar fyritøkur og tá er gott at fáa rætta hugskotið so tað besta fæst burturúr støðuni.
Elisa Heinesen er sniðgevi og hevur búð og arbeitt í London síðani 1995.

Í løtuni er alt virksemið niðurlagt - men so fekk hon hugskotið at framleiða og sniðgeva maskur í øllum alskyns litum.
Maskurnar eru vælumtóktar og verða seldar so hvørt tær eru framleiddar.

Kostnaðurin er millum 40 og 70 krónur. Elisa brúkar restir av toyi hon hevur liggjandi og framleiðir sjálv.

Maskurnar bjóða vernd og okkurt sum er vakrari at hyggja uppá enn tað, sum sæst í gøtunum í London í løtuni, sigur Elisa Heinesen.