Nýtt koronufrábrigdi í Noregi

Koronufrábrigdið Arcturus, sum í løtuni ger um seg í India, er eisini staðfest í Noregi. 

Frábrigdið spjaðir seg skjótt.

Higartil eru fimm tilburðir av Arcturus staðfestir í  Noregi. 

Arcturus er frábrigdi frá omikron.

Norski heilsustovnurin FHI væntar, at Arcturus fer at gera um seg í Evropa og Noregi, men fleiri lond gera so at siga ongar koronukanningar nú. 

Í Føroyum verða koronukanningar ikki gjørdar longur, annað enn í serligum føri.

Av tí at koronusmittan ikki er í vøkstri, verður heldur ikki nágreinað, hvat frábrigdi talan er um, um smittan verður staðfest, sigur Lars Fodgaard Møller, landslækni, í stuttari viðmerking.