– Hetta hava vit ikki upplivað áður

Lodna í stórum nøgdum er komin inn á føroysku firðirnar, og hon gýtir her.

– Hetta hava vit ikki upplivað áður, sigur Jan Arge Jacbsen, fiskifrøðingur og leiðari á uppsjóvardeildini á Havstovuni.

Lodna er eitt slag av laksafiski, og verður upp til 23 sentimetrar til longdar. Hon gongur í torvum uppi í sjónum, úr vatnskorpuni niður á 300 m, djúpast um dagin. Hon gýtur við botnin úr tveimum niður á 100 metra dýpi.

Føroysk skip fiska vanliga lodnu til ídna undir Ísland og í Barentshavinum.

Hoyr samrøðuna við Jan Arge Jacobsen, fiskifrøðing og leiðara á uppsjóvardeildini á Havstovuni.