Tingmaður: Landsverk rennur undan ábyrgd

Landsverk - og harvið landsstýrið - rennur undan ábyrgdini at tryggja innsiglingina í Skopun, soleiðis at sambandið í Sandoynna er trygt og regluligt.

So bersøgin er Brandur Sandoy, løgtingsmaður fyri Fólkaflokkin.

Sostatt leggur Brandur Sandoy eisini sín egna formann og landsstýrismann undir at renna undan ábyrgd, tí tað er Jørgen Niclasen, sum varðar av Landsverki.

Brandur Sandoy hevur sett Jørgeni Niclasen ein skrivligan fyrispurning um málið, og hann verður svaraður í tinginum fríggjadagin.