Vilja hava greið boð um ferðavinnuna

Eingin broyting er í tilmælunum frá myndugleikunum um útlendsk ferðafólk, sum ætla sær tilFøroya.

Tað varð greitt, tá Bárður á Steig Nielsen, løgmaður, helt tíðindafund fyrrapartin.

Ferðavinnufelagið vil nú hava at vita, hvørjar ætlanir eru um at lata Føroyar upp fyri umheiminum.

- ES tosar um at lata upp miðskeiðis í juni, og vit vóna ikki, at vit verða avbyrgd í ferðavinnuhøpi, sigur Henny á Líknagøtu, forkvinna í ferðavinnufelagnum.

Meiri verður at frætta í útvarpstíðindunum.