Nýggj skipan um sendifólk kemur í heyst

Kate Sanderson og Halla Nolsøe Poulsen, sum nú eru settar sum sendikvinnur, eru seinastu sendifólkini, sum eru sett eftir verandi skipan.

Ein nýggj skipan er á veg. Og fyrsta sendifólkið, sum verður sett eftir henni, verður sendifólkið í Ísrael, sigur Jenis av Rana, landsstýrismaður.

Higartil eru embætisfólk í uttanríkistænastuni sett í størvini sum sendifólk.

Og tá tey eru liðug sum sendifólk, fara tey aftur í uttanríkistænastuna við teirri vitan og teimum royndum, tey fingu sum sendifólk.