- Tíðindi, mentan og ítróttur
Fangaður umborð á tangaskipi
Vanliga er Conrad Gaard Joensen, sum er maskinmeistari umborð á tangaskipainum Laprouse hjá DS Norden, burturi í átta vikur. Men hesin túrurin hevur higartil vart í 19 vikur.
Orsøkin er, at tað ber ikki til at skifta manning, tí nýggj manning sleppur ikki inn í nakað av londunum, har skipið kemur. Hetta er nakað, ið merkist á huglagnum umborð.
Serligu umstøðurnar seta serlig krøv til yvirmennirnar, harímillum Conrad Gaard Joensen.
Ikki haldbært
Støðan er ikki serliga haldbær í longdini. Men Conrad Gaard Joensen veit ikki at siga nær hann ella aðrir av manningini sleppa í land.
Laprouse er í løtuni statt miðskeiðis ímillum Korea og Fiji oyggjarnar og væntast at koma til Fiji hósdagin. Conrad Gaard Joensen sigur, at tað er ongin trupulleiki at fáa proviant og eykalutir umborð.
Men manningin sleppur ikki í land og onnur sleppa ikki umborð. Conrad Gaard Joensen er einasti føroyingurin umborð. Hinir av manningini eru danir, indarar og filipinar.
Tak niður