- Tíðindi, mentan og ítróttur
Dýrari at útflyta laks
26.05.2020 - 16:02
Innlendis›Samfelag
Dýrari at útflyta laks
Bakkafrost merkir enn avleiðingarnar av koronakreppuni. Sølan av laksi er truplari og dýrari
![](https://kvf.fo/sites/default/files/styles/news_xtra_xtra_large/public/vlcsnap-2020-01-28-10h10m31s706.png?itok=exNlKZtm)
Útflutningurin hjá Bakkafrosti fer helvt um helvt við flogfari og skipi
Bakkafrost hevur enn trupulleikar av at útflyta laks, tí tað eru færri flogfør út í heim, orsakað av koronakreppuni.
Tað er serliga kostnaðurin, sum er broyttur, sigur Símun Jacobsen, deildarleiðari á søludeildini hjá Bakkafrosti.
Bakkafrost flytur umleið helvtina av laksinum við flogfari og hina helvtina við skipi.
Í Evropa er eingin trupulleiki, og í Kina er støðan meira ella minni vanlig aftur, men trupulleikar eru enn við útflutninginum til onnur lond í Asia og í Amerika.
Hóast korona hevur gjørt útflutningin hjá Bakkafrosti truplan, er fyritøkan ikki so ávirkað, sum so nógvar aðrar fyritøkur hava verið seinastu mánaðirnar.
Tak niður
Sí eisini
Nýggjastu sendingar í ÚV
Nýggjastu sendingar í SV