![](https://kringvarp.fo/sites/default/files/styles/myndasavn-width/public/vlcsnap-2021-12-08-11h37m38s194.png?itok=5Aj4IyQD)
- Tíðindi, mentan og ítróttur
Bakkafrost 600 milliónir í avlopi í øðrum ársfjórðingi
![](https://kvf.fo/sites/default/files/styles/grein-ovasta-mynd/public/vlcsnap-2021-09-16-11h21m48s846.png?itok=lhSD45BD)
Rakstrarúrslitið hjá Bakkafrost-samtakinum í øðrum ársfjórðingi var meira enn hálv milliard, tað var 587 milliónir krónur.
Laksaprísurin var methøgur. Hann var 70 prosent hægri enn í øðrum ársfjórðingi í fjør.
Bakkafrost sigur, at lúsatølini vóru metlág samanborin við tølini í øðrum ársfjórðingi seinastu átta árini. Fellið var lítið, og vøksturin var góður.
Tóku 19.700 tons
Tøkan í øðrum ársfjórðingi hjá Bakkafrosti í Føroyum og Skotlandi var 19.700 tons í kruvdari vekt.
Hon var 28.200 tons í sama ársfjórðingi í fjør.
Nettoskuldin hjá Bakkafrosti var tvær milliardir og 267 milliónir krónur tann 30.juni.
Eingin laksur verður seldur til Russlands nú.
Regin Jacobsen er stjóri í Bakkafrosti.
Tríggjar smoltstøðir í Skotlandi
Bakkafrost ætlar komandi árini at byggja tríggjar smoltstøðir í Skotlandi.
Arbeiðið byrjar væntandi í heyst.
Fyrra hálvárið gjørdi Bakkafrost íløgur fyri 447 milliónir krónur, 261 teirra vóru í Føroyum.
1.653 ársverk eru hjá Bakkafrosti.
Hoyr innslag hjá Tróndi Olsen um úrslitið hjá Bakkafrosti í útvarpstíðindunum: