Bakkafrost 600 milliónir í avlopi í øðrum ársfjórðingi

Bakkafrost 600 milliónir í avlopi í øðrum ársfjórðingi
Tilsamans vóru tikin 19.700 tons í kruvdari vekt bæði í Føroyum og Skotlandi
Laksaprísurin setur met. Hann var 70 prosent hægri í øðrum ársfjórðingi í ár enn somu tíð í fjør.
 
23.08.2022 - 08:25

Rakstrarúrslitið hjá Bakkafrost-samtakinum í øðrum ársfjórðingi var meira enn hálv milliard, tað var 587 milliónir krónur. 

Laksaprísurin var methøgur. Hann var 70 prosent hægri enn í øðrum ársfjórðingi í fjør.

Bakkafrost sigur, at lúsatølini vóru metlág samanborin við tølini í øðrum ársfjórðingi seinastu átta árini. Fellið var lítið, og vøksturin var góður. 

 

Tóku 19.700 tons

Tøkan í øðrum ársfjórðingi hjá Bakkafrosti í Føroyum og Skotlandi var 19.700 tons í kruvdari vekt.

Hon var 28.200 tons í sama ársfjórðingi í fjør. 

Nettoskuldin hjá Bakkafrosti var tvær milliardir og 267 milliónir krónur tann 30.juni.

Eingin laksur verður seldur til Russlands nú.

 

Regin Jacobsen er stjóri í Bakkafrosti.

 

Tríggjar smoltstøðir í Skotlandi

Bakkafrost ætlar komandi árini at byggja tríggjar smoltstøðir í Skotlandi.

Arbeiðið byrjar væntandi í heyst.

Fyrra hálvárið gjørdi Bakkafrost íløgur fyri 447 milliónir krónur, 261 teirra vóru í Føroyum.

1.653 ársverk eru hjá Bakkafrosti.

 

Hoyr innslag hjá Tróndi Olsen um úrslitið hjá Bakkafrosti í útvarpstíðindunum: 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Er kopiera
Nýggjastu sendingar í ÚV
Fríggjadag 25. juli
RagnarRokk: Alfio Annibalini um Stygian Waves
194129
Fríggjadag 25. juli
Morgunlestur fríggjadagur 25. juli 2025
194848
Hósdag 24. juli
Morgunlestur hósdagur 24. juli 2025
194847
Mikudag 23. juli
Sangir úr mínum lívi - Beinir
194884
Nýggjastu sendingar í SV
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844