Ójavnir á máli um trygdarpolitikk

Frágreiðingin um trygdarpolitikk í Arktis, sum danska uttanríkisráðið hevur bílagt, fær misjavna undirtøku frá limum í Uttanlandsnevndini hjá Løgtinginum.

Høgni Hoydal í Tjóðveldi heldur, at hetta er ein roynd hjá Danmark at spenna eina spennitroyggju niður yvir Føroyar og Grønland.

Jaspur Langgaard í Sambandsflokkinum sigur, at frágreiðingin er eitt hent amboð at vita, hvussu vit fáa sum mest burturúr í Arktis.