Dagstovnarnir í Klaksvík lata varisliga upp aftur

Mánadagin lata dagstovnarnir upp aftur í flestu kommunum, men øðrvísi verður tó í Klaksvík.

Foreldur at børnum í dagstovni skulu boða frá frammanundan, og henda skipanin verður galdandi fyribils í eina viku.

Í løtuni er bara eitt fólk í Norðoyggjum skrásett at hava koronu, men Jógvan Skorheim, borgarstjóri í Klaksvíkar kommunu, stúrir fyri, at fleiri hava smittuna, tí enn eru allar royndirnar ikki greinaðar.