Vinnuhúsið: Dagpengalógin er ov stutt í gildi

Løgtingið samtykt einmælt í gjár, at tey, sum verða smittað ella sett í sóttarhald, skulu aftur fáa dagpengar eftir lógini um dagpening.

Men lógin fer longu úr gildi aftur 31. august, og tað hevur við sær, at verður tú smittaður ella settur í sóttarhald næstu dagarnar, fært tú ongar dagpengar eftir 1. september.

Vinnuhúsið sigur, at skipanin er ov stutt í gildi, og Tjóðveldi sigur, at hetta er at halda løntakaran fyri spott.

Hoyr samrøður við Niels Winther, ráðgeva í Vinnuhúsinum, og Sirið Stenberg, løgtingskvinnu í Tjóðveldi, í útvarpstíðindunum.