Nýggj gransking kann verja laks ímóti sjúkum

Tað er eydnast granskarum hjá Bakkafrosti at finna fram til genini í lívfiskinum, sum kunnu verja føroyska laksin ímóti fleiri sjúkum, og harvið gera hann sterkari.

Tað arbeiðið skal mennast á lívfiskastøðini, sum skal byggjast í Skálavík.

Fyri nøkrum árum síðani, var ætlanin drepa laksin, sum var á lívfiskastøðini í Skopun, tí áhugi var ikki fyri honum.

Tá gjørdi Bakkafrost avtalu við landið, um at yvirtaka lívfiskin, tí felagið metti, at føroyski lívfiskurin var nakað serligt.

Og síðani er arbeitt við granskingini, og stór lívfiskastøð skal byggjast í Skálavík, sigur Regin Jakobsen.