Nú ræður um steðga smittuni við markið

Hóast eingin tilburður av koronu er staðfestur seinastu vikuna, so eiga fólk framvegis at gera eftir almennu tilmælunum.

Líkt er til, at smittan innanlands mestsum er av, og tí er neyðugt at steðga smittuni við markið, og at fólk lata seg kanna, tá tey koma, og aftur seks dagar seinni.

Tað sigur Pál Weihe, yvirlækni á deildini fyri arbeiðs- og almannaheilsu og professari í fólkaheilsu, sum heldur, at vit nú eru komin upp á turt aftur, tá ið ræður um koronu.