Væntar at 200 fólk fara í arbeiðsloysisskipanina

Í dag er seinasti dagur, at tað ber til at fáa lønarískoyti eftir skipanini, sum varð sett í verk, tá koronukreppan tók seg upp fyrr í ár.

Í løtuni eru gott 600 fólk í skipanini.

Magni á Deild Olsen, stjóri í ALS, væntar, at eini 200 fólk fara úr ískoytisskipanini í vanligu arbeiðsloysisskipanina.

Ískoytisskipanin hevur kostað ALS 127 mió. kr. Síðani 1. juli hevur landskassin rindað lønarískoytið, umleið 15 milliónir kr.

Hoyr samrøðu, sum Tróndur Olsen gjørdi við Magna á Deild Olsen, stjóra í ALS, í útvarpstíðindunum.