Arbeiðsloysið er minkað

Arbeiðsloysið er minkað seinasta mánaðin.

127 fólk, sum fingu arbeiðsloysisstuðul frá ALS fyri einum mánaði síðan, hava nú fingið arbeiði.

Í løtuni fáa 304 fólk arbeiðsloysisstuðul úr ALS.

Serliga lønarískoytisskipanin fór úr gildi í síðstu viku, men tað ávirkar ikki arbeiðsloysið stórvegis. Umleið 50 fólk, sum vóru í ískoytisskipanini, eru nú í vanligu arbeiðsloyisskipanini..

Í mars, tá løgmaður setti Føroyar niður í ferð, vóru 289 fólk í arbeiðsloysisskipanini.

Virksemið á arbeiðsmarknaðinum sum heild er nú á leið tað sama sum tað var, áðrenn korona fór at ganga.

Hoyr Magna á Deild Olsen, stjóra í Arbeiðsloysisskipanini, í útvarpstíðindunum.