Áhugi er enn fyri føroyska landgrunninum

Útlendsk oljufeløg hava nú fingið loyvi at leita eftir olju og gassi 100 km fram við markinum millum Bretland og Føroyar.

Niels Christian Nolsøe, stjóri á Jarðfeingi, heldur hetta vera sera áhugavert.

Í tveimum teimum seinastu útbjóðingunum vórðu eingi loyvi útskrivað.

Í staðin er ein nýggj skipan við Open Door, har feløg kunnu søkja um at sleppa í føroyskt øki, tá tey halda, at tíðin er búgvin. Enn hevur tó eingin søkt.

Jarðfeingi samskiftir tó við feløg, sum leita bretsku megin markið.