Stórt afturstig fyri ferðavinnuna

Tað kemur illa við hjá Vága floghavn, at SAS nú gevst at flúgva til Føroya.

Regin I. Jakobsen, stjóri, sigur, at ferðafólktalið um Vága floghavn er vaksið, síðani SAS fór at flúgva, tí SAS hevur havt sítt egna kundagrundarlag. Og nú minkar hendan køkan.

Hetta kemur eisini illa við hjá ferðavinnuni sum heild, sigur Regin I. Jakobsen.

Hann dugir ikki at siga, hvørjar avleiðingarnar verða fyri raksturin á flogvøllinum, nú SAS gevst, men Regin I. Jakobsen vísir á, at korona hevur longu havt við sær, inntøkurnar hjá flogvøllinum eru minkaðar niður í helvt.

Hoyr samrøðu við Regin I. Jakobsen í útvarpstíðindunum.