Breddin:Rætturin hjá barni við samkyndum foreldrum

Spurningurin um rættin til barsil, arv, navn og samveru við hjúnaðarskilnaða er enn einaferð komin á breddan.
Í lógini um barsil stendir at: "Hjá samkyndum fær annað foreldrið allar vikurnar í sín part, og hitt fær einki. Hetta er tí, at í barsilshøpi verða samkynd mett sum einsamøll við barninum. Hjá tveimum kvinnum er eingin pápi. Hjá tveimum monnum er eingin mamma".

Men tað er ikki bara lógin um barsil, sum ger mun á børnum, sum er fødd inn í hjúnarband alt eftir um tað eru maður og kona ella tvey av sama kyni.
Tað sama er galdandi tá tað kemur til onnur familjurættarlig viðurskifti

Monika Rasmussen er fakligur stjóri á Familjufyrisitingini. 

Hon greiðir frá, at børn fødd í samkyndum hjúnarlagi hava bara eitt juridiskt foreldur.

Doyr biologiska mamman, ella pápin hevur hjúnarfelagin ikki rætt til at taka sær av barninum.

Tað ber til at ættleiða, sigur Monika Rasmussen. Tað skulu tó ganga tvey og eitt hálvt ár, áðrenn hjúnaðarfelagin kann ættleiða.

Í Danmark hava samkyndir hjúnarfelagir kunna fingið heitið: sammóður- ella faðir.

Elsebeth Mercedis Gunnleygsdóttir hevur málsøkið og hon sigur í svari uppá fyrispurning frá Bjarna Kárason Petersen, at hon ætlar ikki at gera nakrar broytingar, sum ikki standa í samgonguskjalinum.
Hon vísir samstundis á, at tað stendir í samgonguskjalinum at samgongan skal tryggja at eitt barn hevur eina mammu og ein pápa og at broytingar í lógini tí ikki er í tráð við tað.

Helgi Abrahamsen landsstýrismaður í vinnumálum hevur somuleiðis boðað frá, at hann ikki ætlar at broyta lógina um barsil.

Hoyr hvussu rættarstøðan er og kjak millum :

Bjørt Samuelsen, tingkvinnu fyri Tjóðveldi
Christian Andreasen, tingmann fyri Fólkaflokkin
Ingilín Strøm, tingkvinnu fyri Javnaðarflokkin
Steffan Klein Poulsen, tingmann fyri Miðflokkin