Svimjisambandið flytur til Runavíkar

Svimjisamband Føroya flytir nú sína skrivstovu og goymslu til Runavíkar.

Gamla ÍSF-húsið í Gundadali í Havn skal takast niður, tí nýggjur langhylur skal byggjast har.

Tað ber í sær, at sersambondini noyðast at flyta.

Rókur í Jákupsstovu, formaður í Svimjisambandinum, sigur, at tað ikki er ein nýggjur tanki í Svimjisambandinum at flyta úr Havnini.

Svimjisambandið flytur úr Havn til Runavíkar longu hetta vikuskiftið. Nýggi bústaðurin eitur Heiðavegur 13, og er í sama bygningi sum Visit Runavík.