Framvegis tilmæli og ikki lógarkrav

Bárður á Steig Nielsen, løgmaður, sigur, at arbeitt verður við tiltøkum, sum skulu tryggja samfelagið betur móti koronusmittuni.

Men tað verður framvegis sum tilmæli, og ikki við lóg, sigur hann.

Christian Andreasen, løgtingsmaður og formaður í rættarnevndini, hevur mælt til at tvinga fólk, sum koma til Føroya, í sóttarhald í seks dagar, og at tvinga tey at lata seg kanna sætta dagin.

Løgmaður sigur, at tað hevur riggað væl at hava álit á fólki, og ætlanin er at halda fast við bara at brúka tilmæli, sigur hann.