Uppskotið um veiðigjaldið kemur í desember

Uppskotið um veiðigjaldið kemur í desember.

Tað upplýsti Jørgen Niclasen, landsstýrismaður, tá hann svaraði einum fyrispurningi frá Johan Dahl í Sambandsflokkinum í løgtinginum seinnapartin.

Hann segði, dentur verður lagdur á at hava eina einfalda skipan, so vinnan veit, hvat gjaldið verður, tá skipini loysa.

Arbeitt verður við leistinum til veiðigjaldið í løtuni, og tað arbeiðið verður væntandi liðugt um tvær ella triggjar vikur. Síðani fer málið til politiska viðgerð.

Gjaldið verður ásett fyri eitt ár í senn, og talan verður um eitt kilogjald, segði Jørgen Niclasen.

Hoyr svarið frá landsstýrismanninum og orðaskiftið um munnliga fyrispurningin frá Johan Dahl í løgtinginum.

Meiri verður at frætta um málið í Breddanum í útvarpinum, sum kemur eftir tíðindini klokkan 17.