Øll skulu sleppa í kirkju

Semja tykist vera um, at tað er neyðugt at laga viðurskiftini í kirkjunum, so øll fáa atgongd til kirkjurnar.

Tað er niðurstøðan eftir ein fund í Uttanríkis- og mentamálaráðnum í gjár, har biskupur, Tjóðsavnið og umboð í ráðnum vóru við.

Jenis av Rana, landsstýrismaður sigur, at fundurin í gjár var framhald av einum fundi, sum var fyri nøkrum vikum síðani, og síðani hava partarnir umrøtt støðuna, hvør sær, sigur hann.