- Tíðindi, mentan og ítróttur
Danir sleppa kanska í kirkju á páskum kortini
![](https://kvf.fo/sites/default/files/styles/grein-ovasta-mynd/public/danska_folkakirkjan_bredsten_kirke.jpg?itok=M93Y7os6)
- Páskirnar eru týdningarmesta høgtíðin í árinum hjá kirkjum. Fyri nógvar danskarar hevur tað stóran týdning at kunnu hátíðarhalda páskaboðskapin í felagsskapi við øðrum, skrivar Joy Mogensen, danski menta- og kirkjumálaráðharrin í eini tíðindaskrivi, og leggur aftrat:
- Tað hevði verið harmiligt, um allar kirkjur vóru stongdar á páskum uttan nakran møguleika fyri at halda tær. Ikki minst í einari tíð, tá danir í serligan mun søkja eftir felagsskapi og meining, skrivar Joy Mogensen.
Júst hvussu hetta letur seg gera er enn ikki avgjørt, men ger kirkjumálaráðharrin greitt, at tað verður undir tryggum og skipaðum umstøðum.
Kirkjurnar og samkomur í Danmark hava síðan 11. mars verið stongd fyri almenninginum, meðan roynt verður at basa koronasjúkuni.