Fingið lyfti um hjálp at gera brimgarðar aftur

15.12.2020 - 13:18
InnlendisPolitikkur
Fingið lyfti um hjálp at gera brimgarðar aftur
Broytingar verða gjørdar millum 2. og 3. viðgerð av fíggjarlógini
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Brandur Sandoy sigur seg hava fingið lyfti um, at eitt broytingaruppskot um brimgarðarnar kemur til 3. viðgerð av fíggjarlógini, sum verður í morgin

Ein loysn er á veg fyri brimgarðarnar, sum fóru illa í ódnarveðri í vár.

Brandur Sandoy, løgtingsmaður og samgongulimur, segði undir 2. viðgerð av fíggjarlógini í gjár, at hann góðtekur ikki fíggjarlógina, so leingi sum einki er sett av til at umvæla brimgarðar.

Men nú er líkt til, at broytingar verða gjørdar millum 2. og 3. viðgerð.

Ein møguleiki, sum hevur verið nevndur, er at stovna vanlukkugrunn, sum kommunur kunnu søkja stuðul úr, tá ódnarveður elvir til stóran skaða á eitt nú brimgarðar.

Í Húsavík verður skaðin mettur til níggju milliónir krónur, sum svara til tríggjar álíkningar hjá kommununi.

3. viðgerð av fíggjarlógini fyri 2021 verður í morgin.

Hoyr samrøðu við Brand Sandoy í útvarpstíðindunum.

 
Er kopiera
Nýggjastu sendingar í SV
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979