Bíðitíðin longd úr tveimum mánaðum upp í eitt ár

Bíðitíðin at sleppa til viðgerð hjá Barna- og ungdómspsykatriini er seinasta árið longd úr tveimum mánaðum upp í eitt ár.

Í fjør vórðu 183 børn og ung ávíst til kanningar hjá Barna- og ungdómspsykiatriini. Men talið í ár nærkast 300. Vøksturin er 65 prosent.

Síðani í mars er bíðilistin vaksin úr 38 upp í 123 børn og ung.

Hetta kemur illa við hjá børnum og ungum, sum mugu bíða leingi eftir at fáa hjálp, sigur Súsanna Reinert Petersen, yvirlækni á barna- og ungdómspsykiatrisku deild.