Tey fyrstu verða koppsett 27. desember

Gongst sum ætlað, verða tey fyrstu koppsett fyri koronu 3. jóladag, 27. desember.

Tað sigur Kaj Leo Holm Johannesen, landsstýrismaður í heilsumálum.

Tey fyrstu, sum verða koppsett, eru heilsustarvsfólk og starvsfólk í eldrarøktini.

Føroyar fáa 4.770 skamtir í fyrstu syftu, og teir røkka til umleið 2.400 fólk, tí koppsetast skal tvær ferðir.

Danski heilsumálaráðharrin, Magnus Heunicke, hevur boðað frá, at danskir myndugleikar rinda eisini fyri alla koppseting í Føroyum og Grønlandi.

Hoyr innslag í útvarpstíðindunum.