Fáa endaligu góðkenningina í dag

Partafelagið Eystur- og Sandoyartunlar fær endaligu góðkenningina til nýggja Eysturoyartunnilin í dag, og hann letur upp fyri almennari ferðslu á middegi í morgin.

Tann seinasta royndin í tunlinum var í gjár. Tað vísti seg, at trupulleikar vóru millum gomlu samskiftiskipanina og ta nýggju, sum júst er tikin í brúk.

Teitur Samuelsen, stjóri í tunnilsfelagnum, sigur, at hetta ávirkar ikki ætlanina at lata tunnilin upp í morgin sum ætlað, og tað verður trygt at koyra í tunlinum, sigur hann.

Hoyr samrøðu, sum Óluva Zachariasen gjørdi við Teit Samuelsen í útvarpstíðindunum.