Kann vera smittaður á Landssjúkrahúsinum

– Tað kann ikki útilokast, at fyrsti føroyingurin, sum doyði við koronu, er smittaður á Landssjúkrahúsinum.

Tað sigur Tummas í Garði, varastjóri í Sjúkrahúsverkinum.

68 ára gamli maðurin, sum doyði við koronu, varð fyrst í desember lagdur inn á Landssjúkrahúsið við aðrari álvarsligari sjúku enn koronu.

Hann varð fluttur á koronudeildina stutt fyri jól, og í gjár andaðist hann.