Harald Bjørgvin sýnir fram í Smiðjuni í Lítluvík

Harald Bjørgvin er vinnukavari. Í frítíðini er hann fotografur - og kavari. Saman við Inga Sørensen kavar hann ymsastaðni í landinum og tekur myndir av landsløgum og djórum á havsins botni.

Fyri jól gav hann út myndabókina Havsins Aldingarður, og tað eru serliga myndir úr bókini, hann fer at sýna fram í Smiðjuni í Lítluvík um vikuskiftið. At taka myndir í vatni er ikki bara sum at siga tað.

Hoyr Harald greiða frá um, hvørjar tekniskar avbjóðingar hann hevur, umframt hvussu hann hugsar um kompositión í myndunum.