Magn til sølu

Tað er íslendska oljufelagið, Skeljungur, ið eigur allan partapeningin í Magn. Íslendska felagið hevur verið fyri broytingum, sum nú helst fara at raka dótturfelagið í Føroyum.

Jens Meinhard Rasmussen er nevndarformaður í føroyska felagnum. Hann hevur ikki fingið nakað beinleiðis at vita um orsøkina til broytingarnar í Føroyum.

Umframt at hava bensinstøðir, kioskvirksemi og at selja olju til húsarhald og skip, so hevur Magn eisini førkað seg inn inn á grøna orkuskiftið. Magn hevur keypt meirlutan í Demic og bjóðar gjøgnum hesa fyritøkuna húsarhaldum at leggja um til grøna orku. Harumframt hevur Magn eisini hildið seg framat, tá vindmylluútboð hava verið. Saman við ørðum vann Magn útboðið at seta seks vindmyllur upp í Flatnahaga í Suðurstreymoy.

Jens Meinhard Rasmussen heldur, at hetta kanska kann vera ein orsøk til, at íslendsku eigararnir nú vilja sleppa sær av við fyritøkuna.