Hótta við at fara í rættin við Fjarhitafelagnum

Viðskiftafólkini hjá Fjarhitafelagnum í Havn hótta við at draga felagið í rættin.

Fjarhitafelagið, sum Tórshavnar kommuna og SEV eiga, heldur ikki sáttmálatreytirnar um, at gjaldið fyri orkuna frá Fjarhitafelagnum ongantíð skal vera hægri enn oljuprísurin.

Prísurin á fjarhitanum er hækkaður nógv seinastu tíðina, og í løtuni gjalda húsarhaldini í Havn, sum eru knýtt upp í fjarhitaskipanina, millum 17 og 20 prosent ov nógv, sambært brúkarafelagnum Skynsamur Fjarhiti.

Hoyr innslag í útvarpstíðindunum.

Hans Christian Dam, stjóri í Fjarhitafelagnum, sigur í samrøðu við in.fo, at prísirnir eru kanska hækkaðir ov lítið. Hann vísir á, at summi fara at fáa pengar aftur fyri árið í fjør.

Stjórin í Fjarhitafelagnum sigur eisini við in.fo, at prísurin á olju og prísurin frá fjarhitafelagnum fylgjast at.