Torført at bjóða, tá avtala er gjørd frammanundan

Magn ætlar at bjóða uppá vindorkuna, sum er boðin út við Gellingarklett í Suðurstreymi.

Men tað er lættari sagt enn gjørt, tí festarin hevur longu gjørt avtalu við Vindrøkt og Effo um at seta vindmyllur upp har.

Tað sigur forstjórin í Magn, Finn Jakobsen.

Tað ber ikki til at finna okkurt øki í landinum, tí útbyggingin er tengd at kervinum hjá SEV, og má tí vera í einum øki, sum liggur tætt við útbúnaðin, sigur hann

Finn Jakobsen heldur at viðurskiftini áttu at verið greiðari, tá boðið verður út.