Fegnast um úrslitið í tinginum

10.02.2021 - 13:11

Innlendis›Politikkur

At andstøðan ætlar at leggja nýtt uppskot fyri tingið, eigur ikki at ávirka samgonguna, sigur Bill Justinussen í Miðflokkinum

Sigmar Bláberg

Aktivera javascript

Bill Justinussen í Miðflokkinum sigur, at samgongan eigur at fremja tað, sum stendur í samgonguskjalinum

Mynd: Bjarni Árting Rubeksen

Tað var ikki við góðum tannabiti, at Miðflokkurin tók undir við broytingaruppskotinum til barsilsskipanina, sum Christian Andreasen, løgtingsmaður, legði fyri løgtingið í gjár.

Tað sigur Bill Justinussen, tingmaður hjá Miðflokkinum, sum tó fegnast um úrslitið í tinginum í gjárkvøldið.

Andstøðan ætlar at leggja nýtt uppskot fyri løgtingið um at broyta Barsilsskipanina, men tað eigur ikki at ávirka samgonguna, sigur tingmaðurin hjá Miðflokkinum.

- Samgongan eigur at fremja tað, sum stendur í samgonguskjalinum, sigur Bill Justinussen.