Ritan aftur í sigling í næstu viku

Strandfaraskipið Ritan fer aftur í sigling í næstu viku.

Ritan fór á sleipistøð 8. desember í fjør, og nógv arbeiði er gjørt, sigur Jóhan Petur Abrahamsen, rakstrarleiðari á Strandfaraskipum landsins.

Umvælingin kostar umleið fýra milliónir krónur.

Nógv er gjørt við Rituna, meðan hon hevur verið á sleipistøð. Ritan hevur 50 ár á baki í hesum árinum. Hon varð smíðað í Hollandi í 1971.