Fyrsta orglið sum fyrsta dagin

Verland Johansen var orgulbyggjari. Hann bygdi í sínari tíð umleið 20 orgul til ymsar kirkjur í Føroyum. Fyrsta orglið bygdi hann í 1965. Tað stendur í dag í einum lítlum úthúsi heima hjá dóttur hansara Oddvør Johansen á Hálsi í Havn. Oddvør hevur arbeitt sum orgulspælari og er nú vikarur í ymsum kirkjum. Verða boð eftir henni, er hon klár. Sum hon sigur, er tað umráðandi at vera væl fyri at spæla. Sostatt venur Oddvør seg hvønn dag á orglið, sum pápi hennara einamest bygdi til stuttleika, og hon fær stóra gleði av hesum. Tað merkisverda er, at orglið riggar sum fyrsta dagin, hóast tað so at siga blivið spælt uppá hvønn dag. Handverkið hjá Verland Johansen er framúr. Alt orglið er úr træ, bæði húsi, tangentar og pípur. Hoyr Oddvør greiða frá um pápan og orglið. Eisini letur hon okkum hoyra hetta merkisverda, søguliga ljóðføri. Sí myndir niðanfyri.