Bakkafrost rindar 216 mió. kr. í vinningsbýti

25.02.2021 - 13:45

Innlendis›Vinna

Landskassin fær 60 milliónir í kapitalvinningsskatti

0 seconds of 0 secondsVolume 90%

00:00

Tá felagið tekur pengar frá partaeigarunum, má tað eisini lata teimum nakað aftur, sigur Rúni M. Hansen, nevndarformaður í Bakkafrosti

Tey, sum eiga partabrøv í Bakkafrosti, fáa 3,65 kr. í vinningsbýti í ár. 53 milliónir og 143.000 partabrøv eru, so vinningsbýtið verður næstan 216 milliónir krónur.

Tað er í lagi, eisini í hesum tíðum, sigur nevndarformaðurin, Rúni M. Hansen. Tá felagið tekur pengar frá partaeigarunum, má tað eisini lata teimum nakað aftur, sigur hann.

Nógvir útlendskir partaeigarar eru í Bakkafrosti, men landskassin fær kortini 29 prosent í kapitalvinningsskatti. Hann fær 60 milliónir krónur.