Løgtingið viðger Landsbankan og Búskaparráðið

Løgtingið viðger í løtuni ætlanina hjá landsstýrismanninum í fíggjarmálum at avtaka Búskaparráðið og lata nevndina í Landsbankanum virka sum Búskaparráð.

Funnist hevur verið hvassliga at ætlanunum hjá landsstýrismanninum, bæði frá andstøðuni og ikki minst frá leiðsluni í Landsbankanum.

Upprunaliga ætlanin hjá landsstýrismanninum var, at hann sjálvur skuldi velja eina nevnd við trimum fólkum eftir tilmæli frá ymsum áhugapørtum.

Í lógaruppskotinum, sum er til viðgerðar nú, er hetta broytt, so nevndin verður vald á sama hátt sum í dag, soleiðis at stýrið fyri Fróðskaparsetrið kemur við einum tilmæli til landsstýrismannin.

Jørgen Niclasen, landsstýrismaður, sigur, at hann hevur lurtað eftir hoyringunum, og lagað uppskotið til.

Aksel V. Johannesen, formaður í Javnaðarflokkinum, sigur, at uppskotið er frægari enn upprunaliga æltanin hjá landsstýrismanninum, men tað er framvegis vánaligt.

Hoyr samrøðu við Jørgen Niclasen og Aksel V. Johannesen í løgtinginum.