Vindmyllur: Bygdarráðið bíðar eftir Suðurhelvt

Nógv varð spurt á almenna borgarafundinum í Hólmahúsinum á Eiði í gjárkvøldið, tá SEV legði fram ætlanina um at seta vindmullur upp í hagapartinum Suðurhelvt.

Eini 100 fólk vóru á fundi.

Bygdarráðið Eiði fer nú at viðgera málið.

Men áðrenn bygdarráðið sigur sína hugsan, vilja tey hava at vita, hvørja niðurstøðu hagaparturin Suðurhelvt kemur til, sigur Rógvi Egilstoft, borgarstjóri. .

Olaf Kruse, formaður í Suðurhelvt, sigur, at flestu eigararnir eru sinnaðir at geva SEV loyvi at senda myllur upp.

Hoyr innslag í útvarpstíðindunum.
 

Rógvi Egilstoft, borgarstjóri í Eiðis kommunu, sigur, at bygdarráðið bíðar eftir niðurstøðuni hjá hagapartinum Suðurhelvt.

Olaf Kruse er formaður í hagapartinum Suðurhelvt á Eiði, har SEV ætlar at seta vindmyllurnar upp.​​​​​