Hjálparpakki til ferðavinnuna kemur eftir páskir

Eftir páskir kemur uppskot um hjálparpakka til fyrst og fremst ferðavinnuna í løgtingið.

Hjálparpakkin skal vera afturvirkandi til 1. september í fjør, tá hjálparpakki trý fór úr gildi.

Tað sigur Helgi Abrahamsen, landsstýrismaður.

Hann sigur, at besti hjálparpakkin er, at landið letur uppaftur. Men nú er bíðað nóg leingi, sigur Helgi Abrahamsen.

30-40 mió. kr.

Hjálparpakki trý varð mettur at kosta millum 30 og 40 milliónir krónur.

Framtaksgrunnurin hevur bundið seg til at brúka 30 milliónir krónur í ár og næsta ár sum váðafúsan kapital til ferðavinnufyritøkur.

Landið avskrivar samstundis 30 milliónir krónur, sum landið eigur til góðar í Framtaksgrunninum.

Hoyr samrøðu við Helga Abrahamsen í útvarpstíðindunum.