Vil ikki siga, hvat amerikanarar sleppa í Føroyum

Í morgin verður fundur millum Jenis av Rana, landsstýrismann í uttanríkismálum, og amerikanska uttanríkisráðharran, Antony Blinken.

Danski uttanríkisráðharrin, Jeppe Kofod, og grønlendski landsstýrismaðurin í uttanríkismálum, Pelle Broberg, verða eisini við á fundinum í Keypmannahavn í morgin.

Umframt mál av áhuga fyri ávikavist Danmark og Grønland, skulu m.a. samstarvið millum Føroyar og USA og støðan í Norðurhøvum og Arktis umrøðast á fundinum.