Krevja endurgjald, tí loyvið er tikið aftur

Elektro-festivalurin fer at krevja Vága kommunu eftir endurgjaldi, nú kommunan tók loyvið aftur, sum festivalurin hevði fingið.

Festivalurin skuldi vera við Gróthústanga, haðani drekkivatnið til nærum allar borgararnar í Miðvági, Sandavági og Vatnsoyrum verður tikið úr Leitisvatni.

Á eykabýráðsfundi 17. mai tóku allir 11 býráðslimirnir í Vága kommunu undir við at taka loyvið aftur.

Hoyr Bjørk Sjóklett, sum skipar fyri festivalinum, í útvarpstíðindunum.

Bjarni Prior, borgarstjóri í Vága kommunu, váttar í dag, at býráðið hevur fingið skriv frá sakførara, har teir verða spurdir um at broyta býráðsavgerðina, soleiðis at festivalurin kann fáa loyvið aftur.

Bjarni Prior sigur, at kommunan ætlar ikki at broyta nakra avgerð.

Hann vísir á, at kommunan má lurta eftir serfrøðini, sum í hesum føri er Heilsufrøðiliga starvsstovan, og tí varð loyvið tikið aftur.
 

Bjarni Prior

Bjarni Prior er borgarstjóri í Vága kommunu.