Greta Svabo Bech við nýggjum lagi

Herfyri var Greta Svabo Bech við í einari sending um Margretu drotning og krúnprinsin. Krúnprinsurin vitjaði í sendingini tiltakið Hoyma í Gøtu, har Greta framførdi, og prátað varð um hennara tónleik. Sostatt fekk Greta kærkomna umrøðu í donskum miðlum uppundir, at hon nú í dag gevur út nýtt staklag. Lagið, sum er partur av heildarútgávu, ið kemur út seinni, kallar hon "Poison". Teksturin er blivin til uppá ein serligan intuitivan máta. Poison, t.v.s. eitur, og medisin liggja ikki fjart frá hvørjum øðrum - men kortini hava tey bæði púra ymisk endamál. Ljósa, vakra og fína røddin hjá Gretu, sum í framleiðsluni er styrkt við vocodaraeffekt, lýsir kontrastirnar millum vakurleikan og tað viðbrekna. Hoyr Gretu greiða frá, um hvussu lagið varð til. Greta Svabo Bech var beinleiðis gestur í sendingini Vikuskiftið.